อู้ถึงใบตอบฮับ10% ผมได้ใบตอบฮับมาแล้วมีลายเซ็นต์อธิบดีกรมก๋านปกครองเรียบร้อย น้องที่ประสานโครงก๋านส่งจดหมายมาระบุหื้อเอาไปขอใบป3 แล้วส่งใบ ป3 คืนโครงก๋านเพื่อเอาไปยื่นซื้อปืน เลยเตรียมเอกสารไปขอใบป3 กึดว่าเอกสารครบกู้อย่างแล้ว(ก่อนได้ใบตอบฮับเกยเสียเวลาไปมาหนึ่งครั้งเพื่อสอบถามมาว่าขอ ป3 จะต้องเอาเอกสารอะหยังพ่อง)มีซะป๊ะแต้ว่า ตึงสำเนาทะเบียนบ้าน บัตรประชาชน บัตรข้าราชก๋าน หนังสือรับรองความประพฤติ ใบรับรองเงินเดือน สำเนาสมุดเงินฝากธนาคาร ลงทุนลางานไปทำ ไปถึงท่านหน้าห้องก็บอกว่าต้องมีใบตอบฮับของกรมการปกครองแหมใบหนึ่ง ผมก็งงแล้วใบตี้ได้มานี้มันอะหยังยังบ่าใจ้กา
อุตส่าห์ว่าเตรียมตั๋วมาดี เลยต้องปิ๊กไปถามหาใบตอบรับจากผู้ประสานเขาก่อยืนยันว่าบ่มี มีมาใบเดียวเต้าเอี้ย หื้อปิ๊กไปใหม่ถ้าอ้ายไปนั่งอยู่หน้าท่านแล้วโทรมาหาน้องแล้วน้องจะขออู้กับเปิ้น อ้ายท่าจะได้ใส่นำมันหื้อเปิ้นเหียซักหน้อยละก้า
กว่าผมจะล่นไปล่นมาเสียเวลาไปหนึ่งวันบ่าตันได้ปิ๊กไปอำเภอซักกำ
เสียเวลาแหมวันปิ๊กไปใหม่ยื่นเอกสารเก่าตะวานะ กดโทรศัพท์หื้ออู้ กำเดียวก็ยอมหื้อกรอกเอกสารขอเรียบร้อย จะอี้ก่อมีน่อคนเฮา หยังมาขอยากขอเย็น ตุกติกปาดโทะ ไปทำวันศุกร์นัดมาเอาแหม1อาทิตย์วันผัดผมก๋ายไปอำเภอเลยแวะไปถาม ท่านคนเดิมบอกนายยังบ่ได้เซนต์ออกมาเตื๊อ หยังมาผ่อเมินเซนต์เมินแต้ว่าแต่ะ ก็เลยบ่ได้ไปเอาเต๊าฮอดวันนี้ ก้ายขะหนาดขะหยาดก๋านไปอำเภอเลย นี่ขะหนาดเป๋นข้าราชชะก๋านเหมือนกั๋นนา เป๋นจาวบ้านท่าจะต้องกานเข้าไปขอละก้า บ่าอั้นก่อใส่ค่านำฮ้อนนำชาหื้อ แต่ผมบ่าหื้อเป๋นก๋านส่งเสริมนิสัยบ่อดีหื้อคนหมู่นี้ ขออนุญาตเล่าระบายครับ:-\
