สวัสดีต๋อนบ่ายครับ อ้ายก๋าสลองสอง ผมฝากฮูปหล่อๆของอ้ายไปกับอ้ายสล่าเน้อ ไปฮับเหี๋ย อ้อ ของอ.โด่งแห๋มคนครับ
กฏกติกา ลูกซองก่อบ่อมีหยังนักครับ สนามตี่ผมเล่น เปิ้นคำนึงถึงความปลอดภัยมาเป๋นตี่หนึ่งครับ
เรื่องความแม่นยำกับความรวดเร็วมาเป๋นอันดับรองๆครับ แบบว่ามันขอโทษกั๋นบ่อได้เนาะเวลาพลาดพลั้ง
ส่วนเรื่องข้อก๋ำหนดของตางสนามก่อเวลาอยู่ในสนามก่อหื้อเจื่อฟังผู้ควบคุมก๋านยิงอย่างเคร่งครัดครับ เต้าอั้นครับ
ก่อเล่นได้ละหมู่เฮามีพื้นฐานเรื่องปื๋นสั้นอยู่แล้วก่อบ่อมีปัญหาอะหยังครับ เวลาเคลื่อนที่ก่อห้ามเอานิ้วเข้าโกร่งไก กับดูแนวปื๋นบ่อหื้อเกิน ร้อยแปดสิบองศาเป๋นไจ้ได้ครับ
ส่วนเรื่องก๋านบรรจุ ก่อเหมือนปื๋นสั้นครับ
คอนดิชั่นวันก่อ บรรจุกระสุนเข้ารังเพลิงปื๋นอยู่ในตำแหน่งเซฟก๋ำปืนเฉียงสี่สิบห้าองศา จัดท่าทางพร้อมยิงปอได้ฮับสัณญาณก่อปลดเซฟแล้วก่อเริ่มทำก๋านยิงครับ
ส่วนคอนดิชั่นทู ก่อแตกต่างจากคอนดิชั่นวันคือ บรรจุกระสุนไว้ในหลอดกระสุน ยังบ่อขึ้นลำเตื่อ ถ้าเป๋นปื๋นออโตก่อเรียกลูกมารอพร้อมขึ้นลำได้ ปอได้ฮับสัณญาณก่อขึ้นลำปื๋นแล้วทำก๋านยิงครับ
คอนดิชั่นทรี ก่อคือลูกปืนอยู่แยกกับปื๋นครับ คือลูกปื๋นอยู่ในสายกระสุนหรือสายฮัดแขนอะหยังทำนองนั้นครับ ปอได้ฮับสัณญาณก่อเอาลูกปื๋นมาบรรจุในปื๋นแล้วทำก๋านยิงครับ
เต้าตี่ผมฮู้ก่อมีตี้อี้ครับ ฮู้มาแบบงูๆปลาๆครับผมยังบ่อเก่งเตื่อก๋ำลังหัดยิงใหม่อยู่ครับ
ส่วนผังสนามนั้นขึ้นอยู่กับผู้จัดครับ ว่าแต่ละสนามไจ้กระสุนอย่าต่ำเต้าใด มีตึงเคลื่อนตี่ ลอดฮ่อง ยิงหลังตี่ก๋ำบัง นั่ง นอน ก้ม โก่งโก๊ะ มีแผวมือข้างบ่อถนัดปู้นครับ ลูกซองยิงง่ายก่อจริงแต่เร้าใจ๋ครับ เป้ามันเป๋นเหล็ก น้อยพ่องใหญ่พ่อง เวลายิงมันมีเสียง เป้งๆ เร้าใจ๋ดีครับ แหน๋มบ่าปอมีตั๋วประกั๋นมาบีบตวยครับฟั่งผึก่อบ่อได้ครับ ต้องมาลองยิงผ่อครับแล้วจะฮู้ครับ
