ให่ผู้ละ 1 แต้ม พอเป้นของว่างเด้อ....
พวมแต่ไปกินเข่าปุ้นมา ทางใต้คะเจ้านิยมกินเข่าปุ้น
... ภาษาทางพู้น ... ขะเจ่า ... เอิ้นว่าจั๋งได๋ครับ ...
เอิ้นว่า "ขนมจีน"
น้ำท่วม มีแข่หลุดไปฮอดเมืองอุบลบ่
แล้วที่เขื่อปากมูล บันไดปลาโจน มีปลาโตนขึ้นไปตามแผนการเขาบ่ล่ะ หรือว่ามีแต่ปลาเต้นต้อน
... ช่วงนี้ปลาบ่โตนครับ ... มันลอยข้ามมาซื่อ ๆ ... เพราะว่า ... น้ำโขง(หนุน)สูงกว่าน้ำมูล ... ประตูเขื่อนเปิดเหมิดซุกบานแล้ว ... ปานนั้นน้ำยังท่วมเมืองอุบลฯอยู่ ...
... บันไดปลาโจน ... ปลาใหญ่โตนบ่ได่ ... มีแต่ปลาน้อย ... แต่มันกะโตนไปบ่ฮอดไสดอก ... ไทบ้านเพิ้นมาจอบเอาอยู่หม่องทางโจนขึ้น ... สิได่ผลอีหลี ... มันต้องเฮ็ดกว้างกว่านี้ ... ยาวกว่านี้ ... เป็นกิโลพู้นไป่ ... และ ต้องห้ามไทบ้านมาดักปลาแถวตรงทางโตนขึ้น-โตนลง ...
... แต่กะบ่ฮู้ว่าวิถีปลามันสิเปลี่ยนไปบ่ ... แต่เก่าน้ำโขงหลากใหม่ ๆ ... ปลามาสิเข้าวางไข่แม่น้ำมูล ... ช่วงนี้เฮือหาปลาไท-ลาว เต็มทีบ ... ขะเจ่าพากันมาไหลมอง...ในแม่น้ำมูลมื้อหนึ่งเป็นร้อยลำ ... กินเวลาช่วงปลาฝูงใหญ่ ... อพยพเข้าแม่น้ำมูลช่วงนี้ประมาณแค่ 4-5 มื้อ ... แต่ว่าเดียวนี้มีเขื่อนปากมูลกั้น ... ฝูงปลามันไปฮอดเขื่อน ... คั่นเขื่อนบ่เปิด ... มันไปต่อบ่ได่มันกะหันกลับหนีลงลาว ... ไปฮอดทะเลสาบเขมรพู้น ...
... แล้วกะตั้งแต่จีนสร้างเขื่อนมานี้ ... ปลาหายเหมิด ... มันสิอยู่ช่วงหนึ่ง ... คือช่วงไหว้ธาตุพนม ... มันสิเป็นช่วงปลาปึ่ง...มันทวนน้ำโขงขึ้นไปวางไข่ ... ไทบ้านเพิ่นว่า ... ปลาปึ่งมันสิขึ้นไปไหว้ธาตุพนม ... บ่ฮู้ว่าสิมีคือเก่าบ่ ... ช่วงนั้นน้ำโขงสิลดลงหลายแฮง ...
... ฮ่วย ... พิมพ์ไปพิมพ์มาคือหลายแท้ ...
