**รวมพลคนอีสานเด้อ**กรุณาอย่าตั้งกระทู้เพิ่มโดยไม่จำเป็นนะครับ

[andaman]

ไปไสเหมิดน้อ..ลูกน้องกะลังลาบเป็ดแกล้มแสงโสม 
มาเด้อ..เป็ดโตบักใหญ่ กิน4 คน สิห่อส่งทาง Fax ให้ซุคน Pm เบอร์Faxกับที่อยู่มาเด้อ..อิอิ

แสงโสม  ยังมีขายอยู่ติซุมื้อนี่    แล้วเหล้า ไก่แดง เจ้าเคยกินบ่ครูแหง

[GLOCK 45]

ไปไสเหมิดน้อ..ลูกน้องกะลังลาบเป็ดแกล้มแสงโสม 
มาเด้อ..เป็ดโตบักใหญ่ กิน4 คน สิห่อส่งทาง Fax ให้ซุคน Pm เบอร์Faxกับที่อยู่มาเด้อ..อิอิ

แสงโสม  ยังมีขายอยู่ติซุมื้อนี่    แล้วเหล้า ไก่แดง เจ้าเคยกินบ่ครูแหง

ส่งมาทาง FAX ระวังมันสิเหี่ยเด้ออ้าย คั่นบ่ห่อดีๆแมะ

[Hang]

ไปไสเหมิดน้อ..ลูกน้องกะลังลาบเป็ดแกล้มแสงโสม 
มาเด้อ..เป็ดโตบักใหญ่ กิน4 คน สิห่อส่งทาง Fax ให้ซุคน Pm เบอร์Faxกับที่อยู่มาเด้อ..อิอิ

แสงโสม  ยังมีขายอยู่ติซุมื้อนี่    แล้วเหล้า ไก่แดง เจ้าเคยกินบ่ครูแหง

ส่งมาทาง FAX ระวังมันสิเหี่ยเด้ออ้าย คั่นบ่ห่อดีๆแมะ

เหล้าไก่แดงที่มี ศิริขวัญ นันทศิริ เป็นนางแบบ ฮั่นบ้อครับ  เคยครับแต่มัน โดนคักแล้ว..เจ๊งไปแล้ว
แสงโสมเหรีญญทอง ซุมื้อนี่แพงคักเด้ครับจารย์ เจ้าเข้าร้านอาหาร กะลองสั่งเบิ่งแหน่ตี๊ บ่อึดบ่อยาก
ส่งทางFaxมันบ่เหี่ยดอกอาว ข้อยได้วิธีส่งมาจากเจ้าฮั่นตั๊วบ่แม่นติ๊..อิอิ

[andaman]

หวัดดีค่า  เพิ่งกลับมาจากงานแต่ง ไปนอนก่อนนะคะ พรุ่งนี้เจอกันค่า 

หา.........น้องมีนแต่งงานเหรอ...

[ชัยบึงกาฬ รักในหลวง]

555ประธานงู...อกหัก....อิๆ

[NatthaphoN_]

บ่ไดเข้าสนามจ่อยเมื่อว่าน....สิแข่งแล้ว

[andaman]

เหล้าไก่แดงที่มี ศิริขวัญ นันทศิริ เป็นนางแบบ ฮั่นบ้อครับ  เคยครับแต่มัน โดนคักแล้ว..เจ๊งไปแล้ว
แสงโสมเหรีญญทอง ซุมื้อนี่แพงคักเด้ครับจารย์ เจ้าเข้าร้านอาหาร กะลองสั่งเบิ่งแหน่ตี๊ บ่อึดบ่อยาก
ส่งทางFaxมันบ่เหี่ยดอกอาว ข้อยได้วิธีส่งมาจากเจ้าฮั่นตั๊วบ่แม่นติ๊..อิอิ

เหล่าไก่แดง กะบ่เคยกินดอก ย้อนว่าตอนนั้นเป็นเด็กน้อย แต่กะมักเบิ่งรูปศิริขวัญ   เหล้าแสงโสมจำได้ว่ากินเทือล่าสุดกะเดือนเมษา 2529 พุ้นแหล่ว ต่อมากะกินแสงทิพย์ ซุมือนี่กะกินรีเจนซี  ตระกูลหงษ์ กะบ่ได้กิน  กลับไปบ้านตอนสงกรานต์หมู่เขาพากินเหล้าแม่โขง ปวดหัวอยู่2มื้อ

[andaman]

แต้มกะแจกให้แล้วเด้อ    395 กะพากันพิจารณาดูด้วยว่าทำไงวันนี้จะถึง 400 


คิดถึงน้องๆ(สาว)ทุกคนจ้า

[สหายเล็กน้อย]

  ... ขออนุญาตใช้พื้นที่แห่งนี้ ... บอกกล่าวเรื่องราว " วิถีแห่งอีสาน" ... เหล้า ... เอ๊ย ... เล่าสู่กันฟัง ... ครับ  

วิถีแห่งอีสาน

ก่อนอื่นขอขอบพระคุณ ปราชญ์อีสาน ผู้แต่ง

....ยามเมื่อ แสงสูญเสี่ยง สุริโย คล้อยค่ำ มานั้น
ฝูงหมู่ เป็ดไก่ ฮ้อง หาห้อง ห่วงฮัง
หมู หมา เข้า เนาว์นอน หา บ่อน
ฝูงหมู่ช้าง และม้า กลับสู่บ้าน พักนอน

กับทัง อัศดรม้า งัว ควาย สัตว์สิ่ง
ปิ่ง ซิ่ง ซาวแม่ค้า หันหน้า ต่าวคืน ..เจ้าเอ้ย
ฝูงหมู่ ออกจากบ้าน เข้าป่า หากิน
เถิงเมื่อยาม แลงกลับ ต่าวคืน เมือบ้าน

แต่นั้น...ฝูงหลานหล่า คณานาง น้องพี่
เถิงเมือยาม ค่ำคล้อย ก็คอยเลี้ยง ย่าตน
พากันหา ข้าวน้ำ พืช ชโภช อาหาร
โภ ชนัง มี มอบมวล มาเลี้ยง

บ่ ให้ เคือง คายฮ้อน อนาทร เฒ่า ย่า
บ่ ได้ มี คำ ป้อย คำส้ม เสียดสี
ฝูง...ลูกเต้า ปวงหมู่ หลานเหลน
เขาหากเป็น คนดี ซู่คน ควรย่อง

เสร็จกิจเสี้ยง โภ ชนัง เลี้ยงม่าม(ท้อง)
เขาก็เก็บ มอบเมี้ยน ยอไปไว้ ที่ควร
เขาก็ พา กันต้าน(พูด) จาหวาน เว้าม่วน
พากัน หา ดอกไม้ มาตั้ง แต่งขัน.....

โดย : คนหนองแส เวียงกาหลง  
 

[สหายเล็กน้อย]

... ต่อ ... 

หาหมู่ คันทะชาติ เชื้อ ดวงดอก บุปผา
เอามา บูชาพระ ยอดพระคุณ จอมเจ้า
บูชา เฒ่า ไอยิกา เจ้า ย่า
บูชา พระพุทธเจ้า พระธรรม พร้อม พ่ำสงฆ์
หาหมู่ เทียนธูป ไต้(จุด) ตกแต่ง ตามมี
เองชุลี นบ บ่ ไล ลืม เว้น
ยามจัก นอนเนาว์ นั้น คะนิง คุณ พ่อแม่
คุณ อีนาย ย่า เฒ่า คุณเจ้า แต่ประถม

คุณพระโคดม เจ้า พุทโธธรรม ดวงยอด
เทียนธูป ไต้ บูชาแล้ว จั่งค่อย นอน

ฝูงหมู่ หลาน อ่อนน้อม ฮู้ฮ่อม บัวลับัด(ปฏิบัติ)
บ่ให้ ขัด เคืองใจ ย่า ยาย พอน้อย
มีแต่ กลอยใจ สู้ ประสงค์ซู เช้าค่ำ
คอยบีบ นวดคั้น บายเน้น บีบเอ็น
อันนี่..ก็ เผื่อกุศลเจ้า ไอยิกา เจ้าย่า
หากได้ สอน สั่ง ให้ ความฮู้ แก่หลาน

หลานขึ่ง จำจื่อ ไว้ แล้วหากเล่า กระทำตาม
บ่ได้ มี ยามขัด ถ่องความ คำต้าน(พูดสอน)
ขอให้ กุมาร น้อย หลานเหลน เกิดใหม่
ให้ค่อย จำจื่อ ไว้ ไปหน้า ฮ่ำคะนิง


โดย : คนหนองแส เวียงกาหลง

[สหายเล็กน้อย]

... ต่อ ...

อย่าได้ ไลลืม ถิ่ม วางเสีย ปะปล่อย
เฮียมหาก ตั้ง แต่ง ข้อ ประสงค์ไว้ ให้ค่อยซอม(พิจารณา)
ให้ค่อย โมทนา น้อม ฟังกระบวน ให้ถ้วนถี่
ให้ค่อย คึด ถี่ถ้วน ดีแล้ว จั่งเฮ็ดนำ(ทำตาม)...เจ้าเอ้ย

พอเมือ แสงสูรย์ ขึ้น สุริโย พ้นพุ่ง มาแล้ว
ฝูงหมู่ ไก่ผู้โจ้ง โตนเต้น เคลื่อนคอน
อันว่า กุญชร ช้าง อัศดร ม้ามิ่ง
มหิงสา โลดเต้น งัวล้าน ผ่านหนี
เขาก็พา กันเข้า อรัญญา ในป่า
คณาสัตว์ ส่งเชื้อ หนีเสี่ยง จากเมือง

ฟังเสียง ปุงปุง ก้อง โปงปู่ ญาครู พู้นเยอ
ระงม เสียงตี ม่วนยิน ยามเช้า
พอเมือ สุริโย ขึ้น แสงทอง แจ้งส่อง
สีเมฆฟ้า แดงล่อม เหลื่อมเขา
เลาะเลียบ ต้าย (รั้ววัด) ตีน ตาด แถวภู(ภูเขา)
ดูเขา(ภูเขา) คด หมอก ฮวย ฮำไม้
ใบตอง(ใบไม้)ต้อง แสงทอง ซ้อยชื่น
ฝูงหมู่ ดวงดอกไม้ บานห้อม ฮิ่นหอม


โดย : คนหนองแส เวียงกาหลง

[สหายเล็กน้อย]

... ต่อ ...

เลาะเลียบบ้าน ยาย ย่า ไอยิกา
มีหมู่ รุกขา สูง มากมูล มวลพร้อม
มีทัง สาขา ไม้ ผล ผกา ดวงดอก
เฮือง เฮื่อก้าน เป็นถั่น ถี่ถัง
มีทัง เรไร ฮ้อง แมงอี จัก กะ จั่น
เสียง สนั่น ก้อง แคมบ้าน ย่ายาย

ฝูงหมู่ สักกุณา ผ่าย บินบน เบ็ดใส่
กินหมากไม้ แลงเช้า ชื่นชม
ฟังเสียง ทม ทม ก้อง ภูมรินทร์ เผิ่งภู่
วู่ วู่ บิน สอดแส่ว ชมกลั้ว กลิ่น ละออง

พอเมื่อ ตื่น ฮุ่งเช้า มื้อใหม่ มาเถิง
ฝูงหมู่ สังโฆ ครอง เครื่องสงฆ์ ทรงเอ้
ดูเหลืองเหลื่อม แวว วาว วาด คล่อง
คอง พระพุทธเจ้า สงวนไว้ บ่ วาง

เถิงเมื่อ ตื่น ฮุ่งเช้า เที่ยวโผด(โปรด) ฝูงสัตว์
เดินเที่ยว ภิกขาจาร เที่ยวไป ตามบ้าน
ตามแต่ ศรัทธาเชื้อ สมภาร เขาสิใส่
คันผู่ใด อยากขึ้น เมืองฟ้า หากสิ ทาน


โดย : คนหนองแส เวียงกาหลง

[andaman]

แปลให้แรมสใจด้วยนะ เพิ่นฟังบ่ฮู้เรื่อง

[สหายเล็กน้อย]

... ต่อ ...

อันว่า..บิณฑบาตรนี่ คองชอบ ของสงฆ์
ไผ ผู้ ทรง ทำหนัก บ่ มี วัน เว้น
มีแต่ อดสาห์ สู้ เทียวไป หาโผด
โผด หมู่สัตว์ ขึ้นฟ้า บ่มี เว้น แต่ละวัน

ถัดนั้น สังโฆเจ้า ฝูงหมู่ ญาครู
กับทั้ง มวล มหาเถร หมู่จัว เณรน้อย
พากัน ลีลา ย้าย หลายกระบวน ลีลา ยาด
เที่ยว บิณฑบาตร คุ้ม คาม เฒ่า ย่า ยาย
ย่างเหลืองเหลื่อม เหลืองงาม ใสส่อง
ฝูงหมู่หลาน อ่อนน้อย เห็นแล้ว ชื่นใจ

จั่งได้ ไขปาก ต้าน เติน ย่า ทำบุญ
ขอให้ ปุนแปลงตก แต่งทาน ทังบ้าน
หลานจักพา กันสร้าง ทำทาน ดอม ย่า
หลานขอ ขึ้น ชั้นฟ้า นำก้น ย่า ยาย

... จบบท  ...

โดย : คนหนองแส เวียงกาหลง  

http://www.tidso.com/board_3/view.php?id=5780

[NatthaphoN_]

จั๊กหยั๊งดอก ปวดตา