ย่อนป่นนี่แหล่ว หลวงพ่อกับเณรน้อยเกือบได้ตีกันคาพาข้าว
แม่ออกเอาป่นไปจังหัน หลวงพ่อกินข้าวเหนียว เณรน้อยกินข้าวจ้าว
มีป่นอยู่ถ่วยเดียว หลวงพ่อจ้ำได้แต่น้ำป่น เณรซ้อนตักได้เถิงน้ำเถิงเนื้อ
เณรตักบาดใด๋ป่นกะบกวะๆ เณรตักบาดใด๋หลวงพ่อกะแนมเบิงเณรหลับตาซังใส่บาดนั้น
เณรกะแอบยิ้มในใจ คึสิแมนหลวงพ่อเพินทนบ่ใหวละมั้ง จกข้าวเหนียวเบิ๊ดกะติบขึ้นมา
ก้อนเกือบซำหน่วยบักโม ปั้นกลมๆแล้วเอาศอกเน็กลงตรงกลาง เป็นฮุโจกโวก
เรรน้อยกะสงสัยว่าหลวงพ่อสิแก้เผ็ดอิหยัง
เฮ็ดหยังคับหลวงพ่อ เณรน้อยถาม
หลวงพ่อบ่ปาก จับได้ถ้วยป่นเทลงใส่ปั้นข้าวเหนียวจะของได้
อึ............ซังวุย! ซดแม่มันยุผู้ดียว
เณรน้อยได้แต่แนมหน่า เหลียวเบิงถ่วยป่น........................ปากกะบ่ออก
