หุมแอ่วป่า
ใม้เดวกั๋น
ยังใด
บ่าใจ้ก้าอ้ายยู เปิ้นออกแมน ฟังเรื่องตี่เปิ้นเล่าหื้อผมฟังลอ..........
มีเรื่องกระต่ายมาเล่าหื้อเจ้าหมู่ฟังครับ
เอ้า ล้อมเข้ามาครับ ผมจะเล่านิทานหื้อฟัง
กาลครั้งหนึ่ง เมื่อใดก่ลืมเหีย แต่จ๋ำใด้อย่างเดว ลูกปื๋นขาดตลาดครับ ลูก 11 บ่ามี ลูก 9ก่อหมด 22 ซ้ำหายาก ลูกซองซ้ำฮ้าย จ่ายตังค์จองใว้ตี่ร้าน ของก่อตึงบ่ามา
กำก่อน อุดมสมบูรณ์ ลูก 70 ลูก 100 เอายิงแผ่ว กว่างกิ๊ปู้น
ยิงจิ๊กุ่ง เอามาแกล้มเหล้ายังเกย
กองเมินแก่ บ่ามีลูกปื๋นไปแอ่วป่า ซ้ำ ป่าก่อ กำลังเป่ง ผักหวานก่ออวบ ม๊ดส้มก่มีไข่แม่เป้ง ปอดี
วันหนึ่ง ทนบ่าไหว
บ่ามีลูกปื๋น ก่อขอไปเตวแอ่วในป่าหื้อมันชื่อใจ๋ซักน้อย กำนี่ไปมือเปล่า ก่ยังใดอยู่ ก่เลยแป๋งกรงดักกระต่าย ติ๊ดมือไปเผื่อฟลุ๊ค
สามอัน วางกั๊บดักแล้ว ก่เดินเล่นจ๋นอิ่มใจ๋ก่ปิ๊กบ้าน
แหมวันมา กึ๊ดใด้ว่าไปดั๊กกระต่ายใว้ ก่เลยไปใจผ่อ ฟลุ๊คครับ กรงแรกก่ใด้กระต่ายมาตั๋ว
เอามือซ้ายก๋ำหู มือขวาก๋ำขา เดินไปผ่อกรงตี่สอง ระหว่างตาง ป๊ะใส่ ยอดม่ะกอก อ่อนๆ ต่ำๆ นึกถึงลาบ กระต่าย ถ้าใด้ยอดม่ะกอก ไปกิ๋นแนมตวย ท่าจะลำ
ก่อเลยเอาขากระต่ายเหน็บเก้าแฮ้ซ้าย มือขวาก่อเด็ดยอดม่ะกอกไป เด็ดใด้ซักกำบ่าแน่ใจ๋ว่าปอละยัง เลยเอาเปี๊ยะ กับกระต่ายผ่อ ก้มลงผ่อ ป๊ะกระต่ายเงยหน้ามาผ่อปอดี
เปิ้นอาย ก่อเลยว่าผ่อหน้าหยัง ผักกั๊บลาบมึงนี่
.. ผั๊กกั๊บลาบมึงนี่
ว่าแล้วก่อเอายอดม่ะกอก ไปตี๋หน้ากระต่าย ก๊ะจะหื้อมันหลับต๋า
กระต่ายต๊กใจ๋ โดดกำเดว ลุ๊ดจากเก้าแฮ้ ล่นหนีไปเหีย
เปิ้นยั๊บบ่าตัน หันก่าก้นกระต่ายหายไปกั๊บป่าโข่
เหลียวผ่อ ยอดม่ะกอกก่อยังอยู่ในมือขวา บ่าจ้างเยี๊ยะใด ก่เลยหันไปขู่กระต่ายว่า ไปล่อ ไปล่อ ตางหน้ายังมีแหมสองอันก่อน
เอ
..วันนั้นใด้กิ๋นลาบก่อจา ผมก่อลืมไปเหีย
ไผไค่ฮู้ไปถามอ้ายป้าวเน้อครับ
ไปละ อะละ อะละ
เกิบ เกิบ
