อ้ายสารภีครับ ส้าจี้น บะยาก คะแนมเครื่องต้องถึง.
ไปกาด ซื้อ บอกแม่ก๊าว่า ซื้อจิ้นส้า เอาแบบ ขม ๆ สักซาวบาทลอ ....
แม่ก๊าก่อจะ ปาดจี้นหื้อ ซื้อ พริกลาบ สำเร็จ ถ้าใค่เอาเข้มข้น ก่อซื้อเครื่องเทศ สักถุง จั๊กใค ใบมิ้น ผักใผ่ หอมแดง ส่วนผักกับส้า ก่อแล้วแต่ น่อ มันจะมีผักกาดขาว บะเขือผ่อย บะเขือแจ้ และอื่น ๆ
วิธีการทำ
1. ล้างจี้น เครื่องใน หื้อสะอาด
2. เอาเพลี้ย ใส่หม้อ ตุ๊ป จั๊กใค ใส่โตย ต้ม พอน้ำเดือด ก่อใส่เครื่องใน ต้มหื้อสุก หรือ มอก ลวก แล้วแต่ใจ๋ชอบ บางตี่ ก่อบะต้มเครื่องใน อันนี้ ผมแนะนำหื้อต้มครับ กั๋ว พยาธิ์
3. พอเครื่องในสุก ยกลง ตักเครื่องในพักไว้ น้ำซุปจากก๋านต้ม เอาใส่ถ้วยพักไว้
4. ซอยจิ้นเป๋นติ่น ๆ หื้อบาง ใค่ชอบ ติ่นใหญ่ ก่อ ซอยใหญ่น้อย แล้วแต่ ซอยเครื่องใน ระหว่างตี่ซอยเครื่องใน ถอก รีเจนซี่ เอาเครื่องในใส่ปาก ยก รีเจนซี่โตย..... เพื่อเป็นก๋าน วอร์มอัพ จิ้นกับเครื่องใน ตี่ซอยแล้ว เอาใส่ถ้วยชาม หรือ หม้อ เกียมกนผสม
5. ซอย จั๊กใค หอมแดง ใบมิ้น ผักใผ่ ใส่โตย หอมแดง นัก ๆ จะทำหื้อ ส้าจิ้นหวาน
6. นำพริก สำเร็จ เกลือ ชูรส ใส่ลงไปในน้ำซุป กนหื้อ เกลือกับ ชูรส ละลาย ระหว่างนี้ ถ้ามักขม ก่อใส่ดี หรือ อยากจะหื้อส้าจี้น หอม เข้มข้น ก่อ ต๋ำเครื่องเทศ หอมขาว ตี่ คั่ว แล้วใส่โตย มันจะหอม
7. เอาน้ำซุป ตี่ผสมเครื่อง ลงหม้อจี้น กนหื้อเข้ากั๋น ลองจิมผ่อ ปรุงสร ต๋าใจ๋ชอบครับ
หมายเหตุ : ใบมิ้น อ้ายไปถามต๋ามกาด แม่ค้าอาจจะบ่ ฮู้จัก เปิ้ลห้องแหมจื่อว่า สะระแหน่ นั่นเองครับ
