มาบะตันหน้า 2000
ตะกี้มีเรื่องตื่นเต้นตี้บ้าน วัยรุ่นตี้ไหนบะฮู้ 6 คน รถเครื่องซิ่ง2 คันซ้อน 3 มาจอดอยู่หน้าบ้านผม เป๋นเมิน ผมก็เอาลูกเข้าไปหลับตั้งแต่ 4 ทุ่มแล้ว กะว่าเดียวจะตื่นมาสักตี๋3 ยะก๋านคิดแบบ สักมอกเตี่ยงคืนป๋ายตะกี้ แฟนผมบะหลับเตื่อเข้าไปบอกว่ามีรถมาจอดหน้าบ้านเมินละ แล้วมันเข้าไปในสวนตวย หน้าบ้านผมมีตี้ว่างซื้อไว้แล้วปลูกสวนดอกมะลิ ล้อมฮั้วเรียบร้อย ยะเป๋นผามนั่งเล่นมีครัวนักอะละ ผมลุกขึ้นได้ก็เอาไฟฉายส่อง (อันตี้มันแจ้งๆนันเนาะ) หันมันเข้าไปเซาะคัวในฮั้นอยู่ ผมเลยออกไปตี้ประตู๋เหล็กหน้าบ้าน เอ้นถามแบบสวกๆ
ว่า .....เข้าไปยะหยัง ผมกำไฟฉายมือซ้าย มือขวากำอะหยังบะต้องบอกก็ได้ก้า
มันบอกว่ามันมาหาเปื้อนในนี้ แล้วก็มันบะอยู่ (จะไปอยู่ได้หยังได ฮานอนในบ้าน
) ผมถามว่าเปื้อนคิงจื้อหยัง มันบอกจื่อ ต้น
ผมก็เลยบอกแบบสุภาพๆไปว่า คิงขะไจ๋ไปบะเดียวนี้
ผมหันมันกำอะหยังซักอย่าง ซ่อนอยู่ตางหลัง ผมเอาไฟฉายส่อง ตอนนี้ผมเอาตั๋วเบี่ยงข้างมาตางก๋ำแปงฮั้วแล้ว มันไท่จะหันว่าผมส่องเมินแถมบะปอ ก๋ำอะหยังบะฮู้ดำๆ
มันเลยบอก กำเดียวผมจะมาแอ่วหามันกำลูน ผมฮู้จักมันดี บะต้องห่วง ผามนี้มันก็เป๋นคนยะ แล้วมันก็ซ้อนรถเครื่องไปเหีย มันละนมกล่องตี้เอาในตู้เย็นไว้ข้างตางเป๋นแพ็ค มันเอาจากในตู้เย็น
สงสัยจะอันนี้ตี้ผมหันมันซ่อนหลัง ก็นึกว่าเป๋นปื๋น
พอมันไป ผมเข้าไปสำรวจในผามสวนมะลิ ทีวี พัดลม ตู้เย็น อยู่ครบ (มันเอาไปบะได้อยู่แล้ว เอารถเครื่องมา) มันเข้าไปเซาะเอาคัวเหมือนกั๋นมีร่องรอยอยู่ นมข้นกระป๋องหลังตู้เย็นหายไปกระป๋อง อย่างอื่นบะฮู้เตื่อ
มันบะฮู้ว่าผมเป๋นเจ้าของ ถ้าฮู้มันไท่จะแอ่นไปตั้งแต่ผมตั๊กมันละ
เกือบไปละ เกือบได้โทรหาเจ้าหมู่มาแอ่วหาตี้โฮงพัก
ถ้าผมใจ๋ฮ้อน มันเอาอะหยังซ่อนหลังบะฮู้แล้วไปหวดมันเหียก่อน ไท่จะเซี้ยงนักเหลือค่าของในผามหลายเท่าอยู่
ขอบคุณที่มีสติ เกือบดับเบิ้ลแท็ปไปแล้ว
เป้า 6 อัน 12 นัด บะเน้นโซน 4-5 วิไท่ได้อยู่
อันลูนนี้อู้เล่นบะดายเน้อ ผมบะกล้ายิงหรอก เสียงมันดัง หนวกหู
