ของกินบ้านเฮา(อาหารอีสาน)

[beary]

อืม  จักแม่นหยัง  นอนก่อนดอก  หึยส์

[ANDAMAN_101]

อืม  จักแม่นหยัง  นอนก่อนดอก  หึยส์

ตื่นนอนแล้วบ้ออีหล่าคำแพง

[somsakbck]

เห็นใจน้องหมีอยู่...มาฟังซุมนี้เว้ากัน....สิอื้อสินอนำกะยาก....อดเอาน้องหล่า....

[หินเหล็กไฟ]

  เป็นหยังหมี

[somsakbck]

อ้ายตุ๊ได้อีหยังกินน้อมื้อนี่....

[หินเหล็กไฟ]

ปิ้งปลา ป่นกบ แจ่ว แกงเห็ดไค ทอดไข่ ครับ

[น้าเสก คนเดิม]

ให่กินนำแน ขอป่นกบกับแกงเห็ดไค กะแล้วกัน...หว่าแต่ป่นแห่งหรือป่นน้ำ

วิธีเฮ็ดป่นมี 3 แบบ
1.แหลวลอดขี่ฟ้า หมายถึง ป่นแบบใส่น้ำพอเอ๊าะเจ๊าะ
2.ฟ้าตั้งโหง่น....หมายถึง ป่นแห่ง
3.โตนแม่น้ำของ  หมายถึง ป่นแบบใส่น้ำหลาย ๆ เหมาะสำหรับกินหลาย ๆ คน

[หินเหล็กไฟ]

ข่อยมักแบบฟ้าตั้งโง่น กับผักกะเสดน้ำ แซ่บขนาด 

[น้าเสก คนเดิม]

ย่ำขาดอยู่ติ...ผักกะเซดน้ำนั่น

[somsakbck]

คือสิบ่ขาด...บ่มีแข่วสั่นเบาะท่าน.....

[wut_highways]

ย่านย่ำบ่ขาด กะเอายอดอ่อน ๆ ตี๊ล่ะครับบัดแนวอื่นคือเลือกกิน อ่อน ๆ สด ๆ เป็นอยู่เด๊

[somsakbck]

ให่กินนำแน ขอป่นกบกับแกงเห็ดไค กะแล้วกัน...หว่าแต่ป่นแห่งหรือป่นน้ำ

วิธีเฮ็ดป่นมี 3 แบบ
1.แหลวลอดขี่ฟ้า หมายถึง ป่นแบบใส่น้ำพอเอ๊าะเจ๊าะ
2.ฟ้าตั้งโหง่น....หมายถึง ป่นแห่ง
3.โตนแม่น้ำของ  หมายถึง ป่นแบบใส่น้ำหลาย ๆ เหมาะสำหรับกินหลาย ๆ คน

แบบโตนแม่น้ำของนี่..คือสิใสคักเนาะท่านเสก...คือสิแบบนั่งกินเค่าอยู่ข้างคันแทนา..แล้วฝนตกลงมาใส่ถ้วยป่นนั่นเบาะ...จ้ำจั๊งได๋น้ำป่นกะบ่เบิดจักเทื่อ..ได้หยอดน้ำปลาอยู่เรื่อย(กินเค่าแข่งฝน)..

[น้าเสก คนเดิม]

ประมาณนั่นแหละครับ ผู่ใด๋บ่มีหม่องนั่งกะยืนแซ่น้ำจ่ำเอา.....

[Hang]

  หว่าสิถามหลายเถื่อแล้วครับ

ไผมีสูตรเฮ็ดอ๋ออีกะปูแซ่บๆแหน่ครับ
ขังอีปูไว้บักหลาย เฮ็ดแนวได๋กะบ่แซ่บ

[paiboon]

ทอดกรอบๆ  ซดน้ำเดอครับ กินได้เมิดทุกส่วน ฮอดเล็บปู กะหยั่มได้